Sunday, June 03, 2007

Chhup

Ek chhup ki jisko sabhi se chhupana
Ek chhup jisko chhupa ke batana

Ek chhup ke chhupane mein sadiyon ka fera
Fir milne milane tak dhhup andehra

Jo charchon aur jikron mein khoja bahut tha
Woh chhup khamosh gumsum magar tha

Woh raat ki syah mein mil to gaya tha
Saayon se lekin ghabra raha tha

Jo maine yeh poocha ki kya hai irada
Woh chupchap maun baitha raha tha

Kohre ki parte lapete hue woh
Na jaane kis or chala jaa raha tha

Na hathon, na pairon, na aankhen hi thi woh
Alag sa hi kuch woh bana ja raha tha

Pehchan uski na koi mayne hain
Kya shakal hogi kisko khabar hai

Woh khoya na jaane kis shab mein jaake
Ki us shab ki jaane fir kab sahar hai

Us chhup ko hai lekin kai raaz haasil
Kisi ki jubaa ke to hoga woh kaabil

Kabhi to aa saamne dhamkayega woh
Kabhi tak khud hi ko chupa paayega woh

Ek chhup ko chhupana chahte bahut hain
Ek chhup magar yun kab tak chhupega

Ek chhup ke hain dushman kai log lekin
Ek chhup yun chhup par ban na sakega

Ek chhup jo kisi se darega nahi
Jo ehtraam kisi ka karega nahi

Na jaane kab us chhup se parda hatega
Kab woh chhup ek chhup na rahega.

1 comment:

I am the Moon tonight said...

ye chhup to hamesha ab chhup hi rahega
sunega kisi ki
na kuch ye kahega
na socha karega
na samjha karega
dikhayee hui raaho par chalta rahega
chhup ko sanam hai kaha itni himmat
jo sabko rula ke khud ek hasega

moon